Shqip - Philips 9000 Series Manual

Hyrje
Ju përgëzojmë për blerjen tuaj dhe mirë se vini në "Philips"! Për të përfituar plotësisht nga mbështetja
që ofron Philips, regjistrojeni produktin në www.philips.com/MyVacuumCleaner.
Informacion i rëndësishëm sigurie
Lexojeni me kujdes këtë informacion të rëndësishëm përpara përdorimit të pajisjes dhe ruajeni për
referencë në të ardhmen.
Rrezik
- Asnjëherë mos thithni me fshesë ujë apo lëndë të tjera të lëngshme ose të djegshme apo hi të
nxehtë.
Paralajmërim
- Kontrolloni nëse tensioni i treguar në pajisje korrespondon me tensionin lokal përpara se të lidheni
me pajisjen.
- Nëse është dëmtuar kordoni i rrymës ose pajisja vetë është e dëmtuar, mos e përdorni pajisjen.
- Nëse kordoni i rrymës është i dëmtuar, duhet të zëvendësohet nga Philips, një qendër shërbimi e
autorizuar nga Philips ose persona me kualifikim të ngjashëm për të shmangur rreziqet.
- Mos e drejtoni zorrën, tubin apo ndonjë aksesor tjetër drejt syve apo veshëve dhe as mos e
vendosni në gojë.
- Spina duhet të hiqet nga priza përpara pastrimit ose mirëmbajtjes së pajisjes.
- Mos e përdorni pajisjen së bashku me transformatorin, pasi mund të shkaktojë situata të
rrezikshme.
- Kjo pajisje mund të përdoret nga fëmijë 8 vjeç e lart dhe nga persona me aftësi të kufizuara fizike,
ndijore ose mendore ose me mungesë përvoje e njohurish, vetëm nëse mbikëqyren apo
udhëzohen për ta përdorur pajisjen në mënyrë të sigurt dhe nëse e kuptojnë rrezikun që kanoset.
Fëmijët nuk duhet të luajnë me pajisjen. Pastrimi dhe mirëmbajtja nga përdoruesi nuk duhet të
bëhet nga fëmijët pa mbikëqyrje.
- Kjo fshesë është projektuar vetëm për përdorim në shtëpi. Mos e përdorni fshesën për të fshirë
mbeturina ndërtimi, pluhur çimentoje, hir, rërë të imët, gëlqere dhe substanca të ngjashme.
Asnjëherë mos e përdorni fshesën pa filtra. Kjo mund të dëmtojë motorin dhe të shkurtojë
jetëgjatësinë e fshesës. Pastrojini gjithmonë të gjitha pjesët e fshesës siç tregohet në manualin e
përdorimit. Mos pastroni asnjë pjesë me ujë dhe/ose agjentë pastrues nëse nuk tregohet në
mënyrë specifike në manualin e përdorimit.
Kujdes
- Nëse pastroni me ujë filtrin që mund të lahet, sigurohuni që të jetë plotësisht i thatë përpara se ta
vendosni sërish në pajisje. Mos e thani filtrin nën dritën e drejtpërdrejtë të diellit, mbi kalorifer ose
në tharëse rrobash. Ndërrojeni filtrin që mund të lahet nëse nuk mund të pastrohet më siç duhet
ose nëse është dëmtuar.
- Për të garantuar kapjen optimale të pluhurit dhe performancën optimale të fshesës, gjithmonë
zëvendësojini filtrat me filtra origjinalë Philips të llojit të duhur (shihni kapitullin "Porositja e
aksesorëve").
- Grykëza TriActive LED përmban drita LED. Mos shikoni direkt te burimi i dritës (Fig. 1).
- Mos i drejtoni dritat LED direkt te sytë e njerëzve ose kafshëve.
- Mos i pastroni grykëzat me ujë ose agjent pastrues.

Shqip

Shqip
33