KitchenAid W10533410 Quick Manual page 51

Rafhlaðan hlaðin
MIKILVÆGT: Hlaða verður nýjar rafhlöður fyrir fyrstu notkun.
Hvenær hlaða á rafhlöðuna
Fjarlægðu rafhlöðuna úr snúrulausa KitchenAid heimilistækinu til hleðslu þegar það hentar
þér best, hvenær sem er eftir að vísiljós rafhlöðu sýnir að minna en 25% hleðsla sé eftir
(þ.e. aðeins eitt ljós logar á vísisúlu rafhlöðu), eða þegar rafhlaðan er orðin alveg tóm.
Rafhlöður mynda ekki með sér „minni" þegar þær eru hlaðnar eftir aðeins hlutfallslega
afhleðslu. Það er ekki nauðsynlegt að láta rafhlöðuna tæmast áður en hún er sett í
hleðslutækið.
• Notaðu hleðsluvísisúluna á snúrulausa KitchenAid heimilistækinu til að ákvarða hvenær
hlaða eigi Li-Ion rafhlöðuna þína.
• Þú getur „fyllt á" hleðslu rafhlöðunnar áður en þú byrjar langa notkunarlotu.
• Hladdu rafhlöðuna eftir þörfum. Eina skiptið sem nauðsynlegt er að hlaða Li-Ion
rafhlöðuna er þegar hún er orðin alveg tóm. Til að gefa merki um að rafhlaðan sé tóm
birtir snúrulausa KitchenAid heimilistækið ekki lengur nein ljós á vísisúlu rafhlöðu eftir
að einingunni er aflæst eða þegar rafhlaðan er fyrst sett í snúrulausa heimilistækið.
Hvernig hlaða á rafhlöðuna
Samstilltu flötu hliðina á rafhlöðunni við flötu hliðina á tenginu í kvínni og renndu rafhlöðunni
inn í hleðslutækið eins langt og hægt er. Vísiljós hleðslu kviknar og annað hvort leiftrar hægt
(rafhlaða í hleðslu), leiftrar hratt í þremur (3) endurteknum lotum í röð (rafhlöðuvilla), eða
ljósið logar stöðugt (rafhlaða er fullhlaðin og tilbúin til notkunar).
• Það tekur um það bil 3 klukkustundir að hlaða alveg tóma rafhlöðu með innra hitastig
á venjulegu sviði (milli 0° C og 60° C). Það kann að taka lengri tíma að hlaða rafhlöður
sem mikið eru notaðar.
• Eftir að hleðslu er lokið logar ljósið stöðugt.
• Hleðslutækið heldur rafhlöðunni fullhlaðinni ef hún er skilin eftir í hleðslutækinu.
• Ef vísiljósið leiftrar hratt í þremur (3) endurteknum lotum í röð skaltu athuga hvort
rafhlaðan situr til fulls í kvínni. Taktu rafhlöðuna úr og settu hana aftur í. Ef ljósið heldur
áfram að leiftra hratt kann rafhlaðan að vera sérstaklega heit, köld, blaut, eða skemmd.
Leyfðu rafhlöðunni að kólna, hitna, eða þorna og settu hana síðan aftur í. Ef vandamálið
hverfur ekki skaltu vinsamlegast hafa samband við KitchenAid.
• Ef vísiljósið kviknar ekki skaltu athuga hvort rafhlaðan situr til fulls í kvínni. Taktu rafhlöðuna
úr og settu hana aftur í. Ef vísiljósið kviknar samt ekki skaltu vinsamlegast hafa samband við
KitchenAid.
Heit eða köld rafhlaða hlaðin
Vísiljós sem leiftrar hratt á hleðslutækinu kann að benda til að hitastig rafhlöðunnar sé utan
hleðslusviðs. Þegar rafhlaðan er aftur innan ásættanlegs sviðs fer venjuleg hleðsla fram og
vísiljósið birtir hægara stöðugt leiftur ef rafhlaðan þarf á hleðslu að halda eða birtir stöðugt
ljós ef rafhlaðan er fullhlaðin. Það kann að taka lengri tíma að hlaða mjög heitar eða kaldar
rafhlöður.
51