Siemens SICHARGE D Product Information page 51

SICHARGE D
Avviżi dwar is-sigurtà għall-assemblaġġ, l-installazzjoni, it-
tħaddim u l-manutenzjoni
Informazzjoni dwar il-Prodott
Introduzzjoni
Din l-informazzjoni dwar il-prodott tissupplimenta l-istruzzjonijiet dettaljati dwar it-tħaddim. Tibdiex ix-
xogħol qabel ma tkun qrajt l-istruzzjonijiet dettaljati dwar it-tħaddim kompletament. L-istruzzjonijiet dwar
it-tħaddim jipprovdu informazzjoni dwar riskji, perikli u miżuri ta' prekawzjoni fir-rigward ta' korrimenti
personali, ħsara lill-proprjetà u ħsara ambjentali li għandhom jiġu kkunsidrati fl-ippjanar ta' operazzjonijiet,
assemblaġġ, installazzjoni, tħaddim, kontroll u manutenzjoni. L-istruzzjonijiet dwar it-tħaddim huma
disponibbli għall-klijenti reġistrati f'Siemens Industry Online Support.
Struzzjonijiet dwar it-tħaddim (https://support.industry.siemens.com/cs/ww/en/view/109796320)
Informa lill-persunal u lill-klijenti tiegħek dwar l-istruzzjonijiet dwar it-tħaddim. Għaddi l-istruzzjonijiet dwar
it-tħaddim lil dan il-grupp ta' nies.
Użu kif previst
TWISSIJA
Il-prodotti Siemens jistgħu jintużaw biss għall-applikazzjonijiet speċifikati fil-katalgu u fid-dokumentazzjoni
teknika assoċjata. Meta jintużaw xi prodotti u komponenti ta' partijiet terzi, dawn il-prodotti għandhom
ikunu ġew rakkomandati jew approvati minn Siemens. Biex il-prodott jiffunzjona sew u mingħajr perikli, it-
trasport, il-ħażna, l-installazzjoni, l-assemblaġġ, l-installazzjoni, l-ikkummissjonar, it-tħaddim u l-
manutenzjoni għandhom kollha jitwettqu kif suppost. Il-kundizzjonijiet ambjentali permissibbli għandhom
jiġu rispettati. In-noti fid-dokumentazzjoni rilevanti għandhom jiġu osservati.
Avviżi ġenerali dwar is-sigurtà
Persunal ikkwalifikat
Ix-xogħlijiet kollha jistgħu biss jitwettqu wara li tingħata struzzjoni Ix-xogħol fuq is-sistemi elettriċi jista'
jitwettaq biss minn elettriċisti kkwalifikati jew minn persuni mħarrġa fl-inġinerija elettrika taħt id-direzzjoni
u s-superviżjoni ta' elettriċista kkwalifikat. L-elettriċista huwa xi ħadd li jista' jevalwa x-xogħol assenjat lilu u
jagħraf il-perikli li jistgħu jinqalgħu abbażi tat-taħriġ tekniku, l-għarfien u l-esperjenza tiegħu kif ukoll l-
għarfien tal-istandards rilevanti.
Ix-xogħol li m'għandux x'jaqsam mal-elettriku, pereżempju t-trasport u l-assemblaġġ, jista' jitwettaq biss
minn persunal ikkwalifikat. Il-persunal ikkwalifikat ikun ġie mħarreġ u jkollu esperjenza, u għalhekk huwa
kapaċi jagħraf ir-riskji u jevita l-perikli li jistgħu jinqalgħu waqt ix-xogħlijiet korrispondenti.
Tagħmir protettiv personali
It-tagħmir protettiv personali jipproteġik kontra l-perikli għas-sigurtà u s-saħħa tiegħek. Uża t-tagħmir
protettiv personali tiegħek skont il-linji gwida għas-sigurtà fuq il-post tax-xogħol u r-regolamenti għall-
prevenzjoni tal-inċidenti.
Protezzjoni kontra l-aċċess mhux awtorizzat
Ipproteġi ż-żona tal-assemblaġġ mill-aċċess ta' persuni mhux awtorizzati billi twaqqaf sinjali ta' twissija u
barrieri. It-tagħmir miftuħ għandu dejjem ikun sorveljat. Wara li jitlesta x-xogħol, illokkja l-apparat u żomm
iċ-ċavetta f'post sigur.
Protezzjoni kontra l-waqgħat waqt xogħlijiet f'għoli 'il fuq minn 1 m
Waqt ix-xogħol, iżgura li għandek pożizzjoni sigura, u uża pjattaformi tax-xogħol bi protezzjoni kontra l-
waqgħat għal xogħlijiet f'għoli 'il fuq minn 1 m. Ħu wkoll prekawzjonijiet biex l-għodda u l-komponenti ma
jaqgħux.
Protezzjoni min-nar u minn splużjonijiet
Taħżinx u tużax likwidi fjammabbli li jipproduċu fwar li jaqbad bħal, pereżempju, petrol jew etanol. Il-karga
elettrostatika jew is-sħana ġġenerata waqt l-iċċarġjar jistgħu jikkawżaw il-qbid ta' likwidi fjammabbli b'mod
li jisplodu.
Riskju ta' xokk elettriku minn tagħmir bil-ħsara
Jekk ikun hemm xi komponenti bil-ħsara, jista' jkun hemm vultaġġ perikoluż fl-ilqugħ protettiv jew inkella
xi komponenti esposti, li kapaċi jikkawżaw korrimenti serji jew saħansitra l-mewt. Irrapporta t-tagħmir bil-
ħsara u iżgura li d-dispenser jintefa u jissewwa.
Twissijiet u sinjali dwar is-sigurtà
Osserva t-twissijiet u s-sinjali dwar is-sigurtà imwaħħla mat-tagħmir. Iżgura li t-twissijiet u s-sinjali dwar is-
sigurtà neqsin jew li ma jinqrawx jiġu sostitwiti immedjatament.
© Siemens2023 . Id-drittijiet kollha riżervati
A5E53378550-AA
51